2014年11月26日 星期三

短線遊 - 中山Hilton美食之旅 Day 1 part1

早個星期,芙芙與家人一行六人,
參加了一個短線遊,兩天一日,
住Hilton酒店的美食之旅,絕無購物點,
而且4點多就已到達酒店,第二天早上11點才出發吃午餐,
連導遊都形容為懶人團,芙芙一家都好buy。

到達中山時,已是大約12時的時間,
我們到了一間菜館午膳,當中的一道特別菜式大盤魚,
可謂用料十足,鮮甜得很。




湯頭亦很清甜,這麼多大家也只是吃剩了點點。


子薑煮豬手,酸咪咪的,
而且豬手煮得很軟熟,子薑更是不可放過。


魚香茄子,茄子走油走得很乾身,
完全沒有油膩感,亦不會煮得太淋,
加上調味剛好,很讚的一道平凡小菜。


吃飯後的行程。不乏到步行街購物,
由於是自由行動,並沒有受限制,
這個悠閒團的其中一個好處,就是不會逼大家購物,
但因為天氣很炎熱,芙芙就提議入去中山博文館,
打個白鴿轉涼個冷氣,消消暑。



怎料一進去,原來這麼多展覽品。



不同的古時場景,介紹中山以前的店鋪。



每個人像都唯肖唯妙,關燈後應該也挺嚇人呢。



這就是雙妹嗲的舊產品,其實跟現代的差不多太遠。



有沒有人知道這個「X」報,X是什麼字?



看看以前的廣告,都是手畫出的Poster。


中山的家居佈局,這肯定是大戶人家的屋,
連流聲機都有,真厲害。



以前的彈珠機,被這個鋼珠彈中肯家很痛。



這個鞋店的場景,像真度十分高,
連人的鄒紋都有製作,很仔細呢。



全個鞋店是這樣的,場景很大呢。



抖完暑後,就繼續周圍逛,
原來國內開始出現一些10元店,產品質素更並非日本城類型,
而是日韓系,售賣家品及化妝品,
亦有手袋和護膚品出售,真的大開眼界,
芙芙還購了兩個檸檬水樽,都只是$15人仔一個。

下篇會介紹一下Day 1的酒店,還有自助晚餐啦。




10 則留言:

  1. 芺芺,你形容為"懶人團"真係好貼切。呢個時份仲有子薑食嘅?

    回覆刪除
    回覆
    1. cici,呢個團真係好懶架,
      係咁食同行行企企,應該話行都唔駛行好耐,
      十足十懶人一樣,好寫意呀~,
      芙芙都唔識分幾時有子薑食,但間酒樓話係子薑豬手,
      食落又真係子薑陣味,唔通...
      係假嘅~?!噢~~~~~

      刪除
  2. 香港以前嘅廣告都係手畫

    回覆刪除
    回覆
    1. 原來以前啲廣告係咁,芙芙覺得好靚,
      手畫得好細緻,以前嘅人真係好有心思。

      刪除
  3. 懶人團好呀...食飽又行,行完又食,最好無去硬銷店啦~

    回覆刪除
    回覆
    1. 殷師奶,呢亭懶人團淨係食嘢架咋,
      簡直係純食團,完全唔會去硬銷店架,
      真係very good,上星期芙芙同家人又join咗次懶人團啦,
      依然係very enjoy呀,遲啲出post再推介大家。

      刪除
  4. 回覆
    1. samwei,係呀,
      而且價錢仲好抵,大約計埋導遊費,
      都係$800-$900一位,導遊費都$120啦,
      所以食足4餐又住靚酒店,真係物超所值。

      刪除
  5. 嘩 ~ 果鍋大盤魚好吸引呀!好吃嗎?有埋蜆做材料,個湯好清甜!:)
    呢團真係好抵玩,住的環境不錯,食o既又唔差,物有所值!

    回覆刪除
    回覆
    1. 小高,大盤魚一上枱時,
      芙芙都大叫呀,真係好吸引,
      再加上湯頭好甜,好味道。
      係呀,呢個團唔錯架,
      芙芙都有介紹俾同事,得閒玩兩日一夜都唔錯。

      刪除