2013年11月30日 星期六

家常菜 - 鮮茄紅衫魚 (附食譜)

要大家擔心了,芙芙雖然仍在調整心情中,
但一星期才出一篇post真的有點兒對不起大家,所以襯著自己心情平靜時,
快快手回應大家的留言,又快快手出篇post先!

小時候媽媽常常煎紅衫魚,吃飯時芙芙很少吃,
但吃飯前肚餓時就會不斷偷吃,其實芙芙不是認為紅衫魚不好吃,
只是認為有其他餸菜比它吸引罷了,長大後這也是第一次再吃紅衫魚了,
原來現在的紅衫魚這麼貴呀!買的時候無言了!

(這次的相片不知怎的拍得很朦,不好意思啦!)



鮮茄紅衫魚 食譜

材料: 紅衫魚(大)1條、蕃茄(切件)2個、香蔥(切條)適量、蒜頭6瓣、清湯1碗
調味: 鹽、糖少許

1. 紅衫魚洗淨去清內臟,以鹽醃1小時。
2. 平底鍋燒熱加油,紅衫魚煎至兩邊金黃盛起備用。
3. 平底鍋中加入油和蒜頭爆香,倒入蕃茄和香蔥煮至軟身。
4. 倒入清湯並加入糖調味,煮至汁料收乾。
5. 加入紅衫魚與汁料拌勻,即可上碟。


歡迎大家到點煮網支持,此食譜同步於:
從前的yahoo blog食譜都在點煮網的芙芙little kitchen中,有興趣就按下去看看吧!


這個菜式裡,紅衫魚一定要醃得夠鹹,
再拼上酸酸甜甜的汁料才可特顯出味道,所以加多點鹽醃會更好!


這次我們用了濃湯寶做了湯,味道更濃郁呢!


拌勻汁料時要小心一點,以免弄散紅衫魚呀!

其實紅衫魚就這樣煎香而很好吃,如果不這麼貴芙芙應該也會常常煎來吃啦!



29 則留言:

  1. 芺芺, cici最近都調理心情中, 都少咗上嚟同打blog, 希望你儘快回復好心情~~

    回覆刪除
    回覆
    1. cici,希望你都快d開心返啦!
      調整心情真係要慢慢黎,你都要加油呀!

      刪除
  2. 我以前屋企都成日煮蕃茄紅衫魚,好好食呀!依家買唔倒新鮮嘅,所以好少煮。。。
    芺芺同 cici, 希望你地快 D 回復好心情,煮多 D 好煮! :D

    回覆刪除
    回覆
    1. 地地,謝謝你呀,
      依家紅衫魚真係唔多抵買,但睇新聞原來紅衫魚已經屬於瀕危魚類,
      唔怪得咁貴啦,唔知幾十年後仲有無得食呢?

      刪除
  3. 芙芙...有心情才寫BLOG...不用心裏有負擔哩^~^
    以前紅衫魚很便宜...現在仲貴過游水魚>.<

    回覆刪除
    回覆
    1. 小花媽,謝謝你呀,
      芙芙今天晚上回到家,忽然很想寫blog,
      就寫多了一篇啦,希望快點回復出post的速度啦!

      刪除
  4. 兒時媽媽都經常整蕃茄紅衫魚我吃,撈飯好味道,不過袁生唔太喜愛蕃茄,所以袁太平時唔會煮呢味餸,好懷念個味道呢

    回覆刪除
    回覆
    1. 袁太,呢個味真係好正,
      應該話有種好家常的味道,大家細個時好多都食過,
      不過芙芙細個對紅衫魚的印象都係煎呢,袁生唔喜歡蕃茄,
      袁太你就下午自己煮黎吃啦,有時候都要懷念下過去ga ma!

      刪除
  5. 紅衫魚依家係貴價魚,我諗以前冇人會估到呢

    回覆刪除
    回覆
    1. Li J,真係無人會估到!
      芙芙到街市買時,個魚販一講價錢,
      嚇到芙芙差d暈低呢,本來想買兩條都變了買一條啦!

      刪除
  6. 這味餸我很喜歡,我也常煮的,但紅衫魚真係太貴了

    回覆刪除
    回覆
    1. celia,呢個菜依家只可以少食多滋味了!

      刪除
  7. 回覆
    1. samwei,芙芙以前無咩點食過呢道菜,
      反而煎紅衫魚細個就間唔使食,呢個蕃茄紅衫魚真係好好味呢!

      刪除
  8. 嘩~呢個小菜~我細時我媽都煮~我鍾意個汁~可以送飯呢~!

    回覆刪除
    回覆
    1. 黃師奶,個汁真係好好味呀!
      不過條魚要夠咸,配上個酸甜汁至夠正呢!

      刪除
  9. 安安 芙芙~~呢味菜色真系好家常,我煮呢味菜色呢仲一定會添飯飯架,,,哈哈~~

    回覆刪除
    回覆
    1. 莎莉,晚安呀,
      呢個菜芙芙無咩點食過,但一試都覺得好正呢!
      好想飲哂d汁,好誇張呀!

      刪除
  10. 嘩~~~呢個餸細個時涼粉子爸媽都有煮架!!!真係好有回憶嘅家常餸呀~~酸酸甜甜好好味~!!!

    回覆刪除
    回覆
    1. 涼粉子,你又整黎食下啦!
      不過你o個邊會唔會買唔到紅衫魚ga?個汁真係好好味呢!
      芙芙都好喜歡,如果落埋糖醋汁煮唔知會唔會更好味呢?

      刪除
  11. 好好送飯一道屋企餸, 蕃茄汁酸酸甜甜, 好滋味!

    回覆刪除
    回覆
    1. LJ,睇大家咁多留言都話好好味!
      睇黎呢道菜係大家的集體回憶,好開心呢!

      刪除
  12. 芺芺, 希望你能夠盡快回復好心情。
    小時媽咪經常煮紅衫魚, 蒸的、煎的、炸的、上湯的都有。但現在紅衫魚難買, 價錢又貴, 已很久沒有吃過了~

    回覆刪除
    回覆
    1. 李師奶,謝謝你呀,
      現在的紅衫魚真的很貴,貴得嚇到芙芙了!
      只可以間中吃吃算了,不可經常啦!

      刪除
  13. 鮮茄紅衫魚我由細食到大啊,我亦是在小時侯不太喜歡吃這味菜的,但不知為何長大後變得好鍾意食呢味餸!可能是我喜歡釣魚吧,又覺得魚太有營養了,唔食就係自己損失了。

    回覆刪除
    回覆
    1. stephen,芙芙小時候都不太喜歡吃魚的,
      也是不知原因地長大後就喜歡上了,雖然也不是種種魚都喜歡,
      但一樣感到魚太有營養了,唔食就係自己損失呢!

      刪除
  14. 芙芙,午安!準備吃午餐嗎?
    怎都好,不要給自己壓力,慢慢來...調節好心情就要繼續開開心心啦!>3

    回覆刪除
    回覆
    1. 小高,晚安呀,
      每次看到你的留言,芙芙都會很開心的呢,
      就像次次上來也要跟你打個招呼似的,芙芙真的需要時間,
      慢慢的,讓自己輕鬆點地調整心情,
      希望不會影響精神健康,小高你好像也很忙呢,
      緊記小心保重身體,也要加油呢!

      刪除
    2. 芙芙,早,小高也喜歡跟你聊聊天,最衰這裡不能俏俏話,fb果度又係唔好識私人對話....小高真頓!:P
      慢慢來......但不要令自己太傷神,自己也要多保重,過兩天會凍返好多好多,真係要著多件衫小心保暖。
      我呀?heehee...一到十二月就多搞作,同埋有時節目就係...一下無人約,一約就day day都有節目,由上周開始真係每天都有約,今天終於可抖抖,之不過我又想趕出去到烘焙店入定牛油(其實上周已買了十磚=.="),麵粉......怕用起上來時不夠就煩了!順便去買過部吸塵機,家中的壞了!
      知道,小高會小心,多謝你!你都係!>3<

      刪除