小菜苗係一個好錫媽媽嘅乖女，每次我整饅頭，
無論整成點佢都好賞面咁食完一個又一個，
有時就因為發酵溫度控制得唔好，搞到過分發酵而失敗，
今日我突然醒起，家中嘅高速鍋有手動調節溫度嘅功能，
最細嘅溫度岩岩好係30度，岩哂用嚟發酵麵團。
而今次我終於成功咁整到個比較靚仔嘅饅頭，
用咗好多心機去完成呢幾個造型饅頭氹下小菜苗開心，
同大家分享一下其中一個造型嘅製作方法。
花朵造型饅頭 食譜
材料: 中筋麵粉200g、水90ml、糖20g、酵母2g、油5g、蒸熟南瓜少許
基本麵團製作：
1. 將所有材料混合後，揉成光滑麵團，再醒15分鐘。
2. 取60g麵團與蒸熟的南瓜混合，逐少加入南瓜及麵粉，直至麵團變成黃色及光滑狀。
3. 各色麵團都以麵桿搓揉排氣。
花朵造型製作：
1. 取出32g白色麵團，分成8份(4g)，搓成水滴形。
2. 再將8塊水滴砌成花瓣狀，再用牙籤壓出直線花紋裝飾。
3. 取出3g黃色麵團搓圓，輕輕壓扁成花蕊，放於花瓣中間。
4. 於高速鍋中加入1L水，將造型饅頭放於碟上，
再放入鍋中，以手動調節溫度30度，發酵30分鐘。
5. 完成發酵後，選用蒸煮功能把饅頭蒸熟後，
再焗10分鐘，慢慢打開鍋蓋取出即可。
以上食譜份量總麵團重量約320g，我只製作了一朵花，
其他用來製作了小熊、蝴蝶、蝴蝶結及普通圓形饅頭，大約有8個。
---------------------------------------------------------------------
**更多簡易食譜、小菜苗與菜蜜妹妹生活日誌**
↓歡迎 Follow and like ↓
Facebook：芙芙little kitchen
-----------------------------------------------------------------------
(第一步驟先放水，然後放酵母及糖，再放中筋麵粉，最後放油。)
為免搓到手軟，又係出動廚師機嘅時候，
以3檔搓成光滑麵團大約用咗10分鐘時間。
少許的熟南瓜就可以搓出天然黃色麵團，這次用了大概3小塊南瓜，
因為南瓜有水份，所以麵團會越搓越濕，
需要添加適量麵粉搓至不黏手。
用麵桿排走空氣，不斷折疊再排氣，直至麵團非常光滑。
用牙籤壓少許花紋裝飾。
蝴蝶結係小菜苗order嘅。
發酵後嘅造型饅頭好可愛，脹卜卜。
開始蒸煮時高速鍋會進入倒數10分鐘，完成後會變成保溫計時，
當看到保溫10分鐘，就可以慢慢把鍋蓋打開。
切記要慢慢開蓋，如果太快打開，
麵包表皮會下陷縮水，變到好醜怪。
睇下小菜苗幾開心，佢仲好乖咁忍耐咗好耐，
等我影好相先拎嚟食。
試用後感：
1. 利用高速鍋手動調節的溫度來發酵，在鎖水及恆溫的情況下，
麵團發酵得很好，不受外在環境影響，令發酵時間縮短。
2. 除中式包點，西式包點也可放入發酵。
3. 此機仲有烤麵包功能，西式包點都可以一鍋到底咁完成。
=== === === === === === === ===
全自動智能高速鍋 <MYSS50HK>
詳細資料，可瀏覽：
=== === === === === === === ===
📣凡到以下網址選購美的電器
👉使用芙芙專屬8折優惠code
結帳時輸入優惠碼，即可享8折優惠～
詳情歡迎PM。
=== === === === === === === ===
沒有留言:
發佈留言