2015年9月4日 星期五

煎釀茄子 (附食譜)

暑假終於過去了,芙芙就快可以放一星期大假了,
心情開始變得輕鬆,工作狀態也不錯,
可能看到放假日子快到,想快快完成手頭工作,
然後歡樂地放假,hea住渡過一星期(想起都想笑)。



煎釀茄子 食譜

材料: 茄子2條、鯪魚肉4兩、生粉適量

1. 茄子洗淨後,切成片狀備用。
2. 於茄子一面沾上生粉,再釀上一層鯪魚肉備用。
3. 燒熱油,將釀茄子放平底鍋中,以慢火煎熟魚肉一面,再反轉煎熟茄子面。
4. 反覆煎至兩面金黃,即可。


喜歡芙芙little kitchen,一起來加入facebook專頁啦:



每次用魚檔的鯪魚肉,都不用格外加調味,
很方便呢,最喜歡買有蔥花混合的。



慢慢煎,茄子切薄一點很快就熟透了。



切薄點更可省油,不用太多油就有半煎炸效果。



加點甜醬油吃,風味更佳呢。

10 則留言:

  1. 賣相好靚呀。。味道一定好好呢!

    回覆刪除
    回覆
    1. Jose,謝謝你欣賞呀,
      真係好好味呀,又易整又好味,
      不過基本上啲味係嚟自鯪魚肉嘅,唔係芙芙調味架。

      刪除
  2. 放一星期唔唸住去個TRIP 呀?

    回覆刪除
    回覆
    1. 黃師奶,去了啦去了啦,
      去咗個短線兩天一夜自由行,珠海長隆海洋王國,
      其實同海洋公園可以睇到嘅生物差不多,不過海洋王國種類多啲,
      而且少人啲唔駛逼,海豚同海獅之類都可以近距離睇到,
      可以發呆咁睇住佢哋游水,好過癮。

      刪除
  3. 我就反而買冇蔥的鯪魚肉 , 因袁生唔太愛蔥呢 , 我都喜愛煎完簡單淋上甜豉油食 , 好過打獻汁

    回覆刪除
    回覆
    1. 袁太,唔緊要啦,
      冇蔥嘅都好夠味,幾驚袁生連鯪魚肉都唔食呢。

      刪除
  4. 一個星期見唔到芙芙消息,會好掛住呢! 假期快樂 ^^

    回覆刪除
    回覆
    1. cici,哈哈哈哈哈,
      芙芙走咗佬呀嘛,走咗去珠海長隆玩呀,
      啲海洋生物好得意,芙芙睇到唔願返香港。

      刪除
  5. 有得放假充充電真係人都醒晨d!^^

    回覆刪除
    回覆
    1. 小高,絕對係呀,
      其實芙芙每半年度都會放一次大假,一次係新年,
      一次係9月,另外有假剩就可以喺其他日子拎假,
      都唔錯的,話咁快仲有兩日又要返工啦,
      真係唔捨得呢個星期嘅大假呀,小高你又幾時有得抖下呀?

      刪除