木瓜眉豆雞腳湯 (附食譜)

這兩天很大雨，昨晚與一班在LKF已金盤洗手的過氣蒲友出來happy hour，

雖然我跟他們都不是相識很久，可是大家都已經金盤洗手，

唯有閒時放工出來happy一下，笑說當年的往事，

其實他們所說的往事不是全部我都在場，但聽一下已經令我笑得捧腹了。

茄汁秋刀魚 (附食譜)

今天天公造美，太陽不是太猛又不是打大雨，

正好給我這個龍舟小粉絲看看比賽，雖然今年走到入健兒區看到他們上下艇，

但卻正好看不到全程的賽事，因為健兒區太遠了，

看到朋友上岸時，我仍然一舊飯的不知道比賽已完成了。

雖然這樣，但我仍然認為屯門區的龍舟賽氣氛好過大埔區的很多，

話說上年都有去觀賽的，但可能大埔長廊太長了，

人群分散了自然氣氛不夠，但好處是不需要逼呢。

健康素春卷 (附食譜)

兩晚看到May姐整咖哩角，都是用春卷皮製作，

其實我都很喜歡吃春卷皮製品，香脆可口很吸引呢，

但是自家製確實要用很多油，大家都知道我是慳家之人，

所以這次製作的素春卷，我用了焗的方法，

試試可否稍為取代一下炸的作法，實驗結果有圖有真相!

意外，即係意料之外 (附涼拌黑木耳食譜)

記得以前有個廣告，dodo姐有句對白"意外，即係意料之外"，

呢句野真係千真萬確，唔踢波就唔會整親腳呢d concept係錯ga!

實不相瞞，早個幾星期的某一個早上，

我搭巴士返工時，o係巴士上層跌左落下層，

唔係因為我無捉緊扶手，而係因為轉彎太快，

就算抓住左都失哂平衡，當時我已經係等紅燈停定左先落下層，

點知咁岩又好快轉燈，只係落左兩級樓梯已經被揮跌左。

於是一下兩下三下，足足跌左三級樓梯，

級級都登到個屁股，最尾一下仲登到條尾龍骨。

於是我望向司機，司機只係望一望無出聲，

然後繼續駕車，反而有位乘客走前黎扶起我去櫈度坐。

埋站後我見自己行到就落左車，點知一路行一路痛，

返到公司就俾同事的左去急症室，雖然照過X-ray話d骨無事，

但我到依家都仲痛緊，所以前幾日去左睇骨醫跌打。

因為咁我琴日已經聯絡左巴士公司，希望會有適當的處理啦。

呢件事令到我更明白身體係好緊要，意外我地預料唔到，

但健康可以由日常生活而建立，今次要同大家share下呢個健康小食。

醉雞翼/翼尖 (附自家梅酒醉雞汁食譜)

早兩年浸了梅酒，上年浸了大大樽未喝，

前年也浸了一大樽還未進入我的胃，已被同事享用了一半，

為了減少梅酒的存量，我決定要拿來煮食!

梅酒喝過很多次了，不知道用來調味會變成怎樣呢?

冬菜椒絲蒸鯇魚 (附食譜)

做服務性行業有種難言之忍，就是被客人無理對待時不能回贈黑面，

還要笑笑口給予親切的慰問，表達出我們作為職員的專業。

雖然我們很努力的控制自我情緒，但這個社會少不免有些人會把是非本末倒置，

縱然我們多忍讓，也不代表可以逃過無理的投訴。

老實說，我們雖是職員，

雖是服務性行業的工作者，當遇到眼睛放在頭頂的人，

又或是自以為尊貴的客人時，都會因受到他們的冷言冷語攻擊而感到難憾和憤怒。

人總是認為自己想法是對的或是可行，卻忽略了在於別人的狀態下，

這些做法卻是不可能，知道也好也不願接受事實，

最後只會認為是該公司不願配合他們，又或是刻意難為他們，

於是便走上那條"投訴之路"，我們被人誤解要忍氣吞聲，

更因此要寫上長篇的報告去回覆投訴人，其實，

人不要只站在自己出發點看事物，可多從別人角度去思考。

如你們不是同行，希望你們會多體諒我們工作的狀況，

如你們是同行，祝你們好運不要遇著蠻不講理之士。

香草粟米薯蓉 (附食譜)

屋企部電腦壞左，無耐地只可以用大姊部電腦，

雖然呢部新機好好用，快過我部電腦，

但可能用開有感情，都係想用自己部機會自然得多。

爸爸媽媽話我知，6月份佢地好忙，

又要去做義工，又要返大陸，

跟住今日仲報左名參加教會遲d的一個5日4夜camp，見爸媽生活充實真係放心d。

雖則媽媽今晚見到一隻大蝴蝶都會諗住係二家姐，不過見媽媽依家生活食得訓得，

又識得笑，唔係日日以淚洗面，

爸爸亦唔駛好似之前咁擔心媽媽，壓力都無咁大啦(感恩)。