2018年9月24日星期一

<阿華田 x 美的健炸寶食譜> 牛奶麥精忌廉蛋糕奄列 (附食譜)

今日係中秋佳節,祝大家人月兩團圓。

芙芙一向唔太喜歡食忌廉,總係覺得又甜又膩,
於是芙芙都好少食蛋糕,如果係走咗忌廉嘅蛋糕就會食哂。

早前收到阿華田嘅牛奶麥精,芙芙打算打破自己對忌廉嘅標籤,
用牛奶麥精代替砂糖打忌廉,估唔到效果非常好,
除咗甜味冇咁重,仲多咗一陣麥香,
再夾喺自家製嘅朱古力蛋糕片中間,味道真係好夾呀。

今次利用美的健炸寶取代傳統焗爐,佢內部嘅空氣對流強大,
每次烤焗嘅時間都比傳統焗爐快,可以節省唔少時間,
岩哂我呢啲新手媽媽,邊湊女邊整甜品都冇問題。


迷仔牛奶麥精忌廉蛋糕奄列 食譜

材料A:蛋白2隻、、糖25g、蛋黃2隻、糖15g、低筋麵粉45g、可可粉8g、鹽少許
材料B:牛奶麥芽6湯匙、、忌廉100ml
裝飾:士多啤梨2粒、、阿華田適量

蛋糕片製作:

1. 蛋白以打蛋器打至微泡時,分3次倒入糖,並打至有紋路備用。
2. 蛋黃與糖以打蛋器打至起泡成淡黃色泡沫。
3. 將蛋白泡分三次加蛋黃泡中,輕輕拌至兩者融合。
4. 將低筋麵粉及可可粉篩入3.中,並加入少許鹽,輕輕拌至看不到粉粒。
5. 將蛋糕混合物放入唧袋中,在牛油紙上唧出5-6cm直徑的圓形。
6. 預熱美的健炸寶160度,將圓形蛋糕片連牛油紙一同放入炸籃中,
以160度烤5分鐘取出,每次可烤2片。
7. 蛋糕與牛油紙撕開,再用牛油紙包著蛋糕片,輕輕對摺成u形,放入盒子固定。

忌廉製作:


1. 忌廉放入盆中,逐少加入牛奶麥芽粉,一邊用打蛋器打至有紋路並起勾,再放入唧袋。
2. 將忌廉唧於蛋糕中間,再放上士多啤梨,最後撒上阿華田粉即可。


想睇最新食譜及小菜苗週記,歡迎到Facebook like下芙芙little kitchen


蛋白打至呢個狀態,有紋路亦起勾。



將蛋黃同糖一齊打至起泡,變到淡黃色咁就OK。


 

將蛋白泡同蛋黃泡混合,要好小心輕輕拌勻,
唔好快速咁攪拌,咁會將蛋白入面嘅氣泡攪走哂,
蛋糕就會唔鬆軟。





將麵粉同雞蛋泡拌勻時,同上面講嘅情況一樣,都係要輕力同慢。



好快就會拌勻,唔駛好用力嘅。



用唧袋唧出圓形,好似蛇餅咁就中間唧向外。


美的健炸寶可以容納2L嘅食物,所以內部唔會太大,
芙芙形容佢係一個迷你焗爐,中間嘅對流風好強勁,
咁薄嘅蛋糕片5分鐘就焗好,而且炸籃手柄一拔就出,唔怕辣到手。



將蛋糕片撕出嚟,用同一張牛油紙包住,
輕輕對摺成U形,一定要放盒仔固定。


中間彎位就係用嚟唧忌廉,唧花款式大家可以自由發揮。



芙芙仲整咗一件大塊版,不過一整好就食咗,冇影到相。


芙芙同占士哥一口氣食咗好多件,終於打破對Cream嘅印象啦。


沒有留言:

發佈留言