2015年1月1日星期四

聖誕2014 - 豪宅美食狂歡派對

今天是2015年1月1日,芙芙在此跟大家說聲,
新年快樂,祝各位身體健康,
新一年更有食運,繼續齊齊開心share~。

2014年的聖誕,芙芙與一班舊同學相聚,
再次聚首一堂於其中一位舊同學的家中大宅,這間豪宅,
在公仔箱常常都可看見,更有時會在大銀幕看到呢。

我們一行人,由中學開始,
已經很喜歡上來玩,遙望海景燒烤打邊爐,
人生一大樂也,感激同學每年都提供這個佳地給我們。




雖說芙芙很喜歡烹飪,但在這次的派對中,
卻不用預備食物,皆因芙芙很遲才決定參與,
加上同學們的預備很充足,所以芙芙只需帶備現金就可以了,
很方便呢~,有時等食也是一大快事。

來看看同學們預備了什麼吧,很豐富呢!

雞肉沙津,雞肉是自己醃好再煎香的,
然後就撕成小塊,放於沙津菜上,
再撤上少許芝士絲,簡單又味美。



餐前小吃,是一位不精於廚藝的女同學之作,
很簡單的烹調,卻令芙芙回味無窮,
問過作法後,芙芙決定找天製作一次。


西班牙蛋餅,是芙芙中三時的家政拍檔烹調的,
這天我們再次攜手合作,芙芙也是去到作幫手,
之前未有煮過,失敗了少許啦~。


白酒煮青口,是餐前小吃的同一位同學煮的,
但是煮好後,大家都Focus在LC的煲上了。


煎羊架,這個羊架共有8支,
訂購只需一百二十幾元,性價比很高,
同學用香草醃了一晚,來到才煎香,
芙芙也幫忙煎了一半,很喜歡聽煎肉時發出的油滋聲呢。



威靈頓牛柳,一位男同學所為,
因為同是第一次,雖然包得很漂亮,
卻因為選用了太大的牛柳,加上當天的烤箱火力不夠,
烤好後,味道也不錯的,
可是口感像吃豬展,有點可惜呢。



磨菇意大利飯,芙芙的favourite,
味道濃郁,而且同學的男友把飯的軟硬度煮得剛好,
有點嚼口,加上很多的芝士同煮,
是這晚最正的自煮菜式,看著相片又想流口水啦。


同學們還預備了帶子刺身,和半條三文魚,
再自己去皮切片,十分肥美。


聖誕派對當然少不了抽禮物,芙芙的禮物,
就是很多人希望得到,而又沒什麼心思的現金獎!

因為之前工作太忙,沒閒餘時間外出選購,
就是因為沒預備禮物,芙芙一度說出不join這個派對呢,
怎料大家竟說出,「很接受現金獎」這句說話。

於是,中了現金獎的,

就是中三跟芙芙的家政堂拍檔,西班牙蛋餅的主人,
看來我們的緣份,真不淺呢。

喜歡芙芙little kitchen,一起來加入facebook專頁啦:
https://www.facebook.com/pages/芙芙little-kitchen/1405926542957374




12 則留言:

  1. 芙芙d舊同學個個都係煮神喎

    回覆刪除
    回覆
    1. Li J,唔講唔覺,
      俾你咁一講諗諗下,佢哋又真係一班好識得煮嘢嘅人嚟喎,
      可能對咗咁多年對慣咗,原來大家都煮嘢食都咁有興趣。

      刪除
  2. 新年快樂..芙芙你就好,有班朋友都會煮食. 我D fd~ 唉....想話玩呢d party,個個都話淨係識菠羅腸~ 女人喎~

    回覆刪除
    回覆
    1. 新年快樂呀,吸血得,
      唔好意思,咁遲先回覆你,
      其實有班肯煮嘢食嘅朋友都幾好ga,有時仲可以偷下懶呢,
      你班朋友好醒目,比著芙芙都想話整菠羅腸算,
      哈哈哈哈哈,佢哋唔識咁就你下廚啦!

      刪除
  3. 朋友共聚, 食咩野都開心啦

    回覆刪除
    回覆
    1. ah mo,係呀,
      講得好啱,有時叫出面嘢食,
      都一樣好開心,最緊要係相聚。

      刪除
  4. HAPPY NEW YEAR!~祝願你2015健康幸福~
    呢個GATHERING好開心咁喎~~

    回覆刪除
    回覆
    1. 新年快樂呀,黃師奶,
      真係好開心架,芙芙都好enjoy呢個party呢。

      刪除
  5. 芙芙,好開心、好多美食的聖誕聚會,睇見就知HAPPY!
    查實...禮物呢家o野雖講心意,但現金獎我都鐘意,有時收到d未必合心宜的禮物,我又捨得掉,久而久之儲埋一大堆,到最後可能都未必用得,所以話現金獎就有呢度好,買咩都得!今年我都抽到禮卷也是不錯的禮物!keekee...
    芙芙,小高祝你新年進步、事事稱心又順意!:)

    回覆刪除
    回覆
    1. 小高,謝謝你嘅祝福呀,
      識貨呀,喜歡現金獎,
      講起抽禮物,有時抽中d明明自己覺得冇咩用,
      又唔多喜歡嘅禮物時,芙芙通常都會好浮誇咁扮開心,
      其實咁樣要扮嘢都好無奈,所以芙芙都同小高你一樣,
      對現金獎或禮卷都幾like,一定啱用ma。

      刪除
  6. 回覆
    1. 新年快樂呀,samwei,
      真係好豐富,食到芙芙個肚大哂呢。

      刪除