2013年4月28日 星期日

七彩繽紛釀雞翼 (附食譜)

排同媽媽傾計時,講起一樣韓國好流行的工具,
心諗無理由媽媽知道,但我唔知ga ma,
忽然我靈機一觸咁諗:既然呢個工具唔係太多人知,
不如我上網睇下係咩先,如果真係無咩人知,
可能可以買入一d賣下,賺少少錢幫補下交通費都好呀。

於是我就睇左好多大陸網,終於俾我搵到呢件出口貨,
仲要俾我賣得成,依家生意都幾好tim!

心情大好的我,決定要同大家share下上次我爸爸生日時,
我為他精心炮製的小食,七彩繽紛釀雞翼!


七彩繽紛釀雞翼 食譜

材料: 甘筍半條、青瓜半條、金菇一包、雞翼13隻

1. 雞翼去骨,以鹽、豉油、糖、生粉醃2小時。
2. 甘筍、青瓜洗淨切條,粗幼自定。
3. 金菇洗淨,備用。
4. 將甘筍、青瓜、金菇落油炒熟,加入鹽、豉油等調味。
5. 待(4)的材料凍後,遂點釀入去骨雞翼裡。
6. 燒熱油,以慢火煎雞翼至熟及金黃即可。


唔小心蒜燶左少少,不過都一樣好味道!


呢款小食係派對食物,顏色鮮艷小朋友一定好歡喜,
大家有小朋友搞生日會時,不如試下整呢款小食啦!

講返頭先的話題先,話說當呢件工具賣得正好時,
我就同媽媽講,都係媽媽醒我至知道有呢件工具,
點知媽媽話"我同你講的,同你依家賣的唔同ga喎!",
今次真係錯有錯著,媽媽你係得gei!

沒有留言:

張貼留言