<美的榨汁寶MJ-JE2802> 炎炎夏日_甘筍石榴藍莓汁 & 甘筍提子汁(附食譜)

自從做咗媽媽，真係連病都唔敢病，

最怕病咗會傳染仔女，芙芙曾經同同事講過，

以前病會請假留喺屋企休息，而家病更加要返工，

因為唔想阿女同病菌困獸鬥，自己辛苦啲都唔緊要啦。

正所謂唔想病不如增強自身抵抗力，

最近工作太忙煮唔到健康餐，唔緊要嘅，可以飲下蔬果汁，

食多啲蔬果除咗冇咁易病，仲可以加強腸道健康添。

美的榨汁寶MJ-JE2802可以將蔬果直接榨汁，並將果渣完全隔住，

整部機大部份配件都可以拆出嚟清洗，非常方便，
而且安裝亦十分簡易。