天氣突然變到咁凍，身體弱啲都唔掂，
呢個時候真係好適合飲碗燉湯，增強身體抵抗力。
就喺呢個寒冬來臨前，芙芙就收到由美的送來嘅小家電 - 陶瓷蒸燉寶，
真係來得相當合時，產品一送嚟已經燉咗幾次湯飲，
仲燉埋俾阿媽同鄰居好朋友飲添啦。
有咗佢就可以喺唔浪費水，同唔駛睇幾個鐘火嘅情況下，
燉到1-2人飲用嘅湯水、甜品、嬰兒粥同燕窩。
第一次試用美的蒸燉寶，芙芙就好自私地選用竹絲雞燉咗個滋補湯俾自己飲先，
材料好簡單，好岩女士們飲用架。
陶瓷蒸燉寶機身小巧，機身都係17cm左右闊，
對香港咁細嘅住屋嚟講，呢款小家電絕對唔會霸佔好多位。
燉芯可以盛載0.8L水，基本上可以燉到約2碗湯水，
岩哂2人小家庭，而且亦好適合燉嘢俾bb食。
姬松茸螺頭燉竹絲雞 食譜
材料: 姬松茸5-6條、螺頭2隻、竹絲雞1/4隻、大紅棗2粒、水2碗
