<美的健炸寶> 入門煮意_雞翼篇 (金沙雞翼)

每次收到美的小家電都令人感到驚喜，今次試用嘅係新產品係美的健炸寶，

所謂健炸，即係喺不用油，或只用好少量油嘅情況下，

透過對流空氣將食物本身嘅油份逼出嚟，造出油炸效果，

比起一般要開火用勁多油去炸嘢食，真係健康得嚟又安全好多。

健炸寶有2.5L容量，將食物放入炸物籃，

調較好溫度同時間，然後就可以由佢自由氣炸，

只需要間中拉出炸物籃翻動一下食材，唔駛睇火，

岩哂芙芙呢啲渴望爭取時間休息嘅煮婦。

今次芙芙用美的健炸寶試炸雞翼，雞翼係家家戶戶大小老幼都喜歡嘅食物，

而芙芙會介紹一款惹味小食 - 金沙雞翼，

利用健炸寶炸好嘅雞翼，再沾上咸香嘅牛油咸蛋黃，

真係會令人試過番尋味架。

喺睇食譜之前，同大家介紹一下健炸寶先，

健炸寶外形比一個電飯煲細，只係相對高身，唔會佔太多空間。

炸物籃好易取出，洗時只需按中間嘅按鈕，

就可以將籃同底盤分開，唔怕洗得唔乾淨啦。

金莎雞翼 食譜

材料: 雞翼9隻、咸蛋黃4隻、咸蛋白少許、牛油40g

醃料：醬油半湯匙、糖1茶匙、胡椒粉適量

1. 雞翼洗淨後抹乾水，以醃料醃25分鐘。

2. 咸蛋隔水蒸10分鐘後，取出咸蛋黃及料少許蛋白，用叉壓碎備用。

3. 美的健炸寶預熱200度5分鐘，將雞翼放於炸物籃中鋪平。

4. 以200度炸20分鐘，中途拉出籃子，將雞翼翻動幾次，完成後取出備用。

5. 於平底鍋中煮溶牛油，放入2.的咸蛋黃及蛋白，炒至蛋黃與牛油融合。

6. 最後倒入炸好的雞翼少勻即可。

**其實以同一個方法可以烹調金沙大蝦，將大蝦放入健炸寶以180度烤10-15分鐘，

同雞翼一樣途中拎出嚟翻動下，其他步驟就一模一樣，好簡單架咋。**

炸物籃剛剛好放得入9隻雞翼，肉類最好以平鋪放置，

避免重疊，令肉類可均勻受熱。

有時想食簡單啲，可以將雞翼醃好，
放入健炸寶氣炸，比起開火煎雞翼方便得多，
睇下氣炸好嘅雞翼幾咁飽滿。

炒咸蛋黃同牛油時會起泡，好快就會融合埋一齊。

因為今次冇落炸粉，所以唔太掛得起咸蛋黃，但都唔影響味道嘅。

有時喺自己望唔到內部情況時，都會擔心食物煮得熟唔熟，

由健炸寶氣炸出嚟嘅雞翼熟透得均勻，而且亦相當多汁，非常不錯。