2014年7月30日 星期三

[自家製] 蕃茄醬汁 (附食譜)

之前同大家share點樣整印度芝士,整芝士時會有一啲叫威水嘅黃色液體留低,
其實味道就好似稀式檸檬汁咁,用呢個威水可以煮出蕃茄醬汁,
用嚟做意粉,或者一啲食物嘅伴醬都好味架。



蕃茄醬汁 食譜

材料: 蕃茄4個、洋蔥1個、威水
調味: 香草、鹽、糖適量

1. 將蕃茄、洋蔥切粒備用。
2. 燒熱油,將蕃茄洋蔥粒炒至軟身。
3. 加入威水,煮至汁料為合適濃度。
4. 加入鹽、糖調味,再加上香草即可。


大家喜歡嘅汁料濃度因人而異,芙芙就會視乎自己之後會煮啲咩嚟調較。


其實一邊煮蕃茄洋蔥都會出水,威水自己因應需要落,
確實份量真係寫唔到,反而記得一定要落糖,
因為威水本身偏酸,唔落糖調味就大件事啦。


每一次做芝士剩餘嘅威水其實好多,基本上芙芙會盡量一次煮哂,
雪起然後幾日內用哂,因為始終冇加任何防腐,
純天然都係盡快食用好,以免變壞。

6 則留言:

  1. 這個醬汁顏色好靚, 多謝分享~~~~~ :)

    回覆刪除
    回覆
    1. cici,個顏色真係幾靚架,
      芙芙之前仲用咗嚟做伴醬,煮杰啲仲可以做nachos架。

      刪除
  2. 真係估唔到可以咁循環再用啲威水呀!

    回覆刪除
    回覆
    1. Li J,係呀,
      芙芙本來都覺得淨咗咁多威水好哂,跟住芙芙朋友就話芙芙知,
      原來可以做蕃茄醬,整出嚟仲好好味tim。

      刪除
  3. 呢個汁我都成日整, 當然係無威水啦

    回覆刪除
    回覆
    1. Ah Mo,唔用威水其實都整得到,
      不過威水嘅味唔知點解都幾夾蕃茄,又好味又唔會浪費呢。

      刪除