2014年7月23日 星期三

[簡易] 涼拌苦瓜 (附食譜)

早幾個月仲成日去睇醫生,
因為坐骨神經痛,到早個月,
芙芙去咗睇中醫診所,個醫師話我個盆骨歪咗,
再加上一年多前跌倒,影響咗,
於是我睇呢個醫師睇咗一個月,情況真係有明顯改善呢。

醫師除咗會幫芙芙針炙之外,仲會有手法治療,
即係將盆骨慢慢推返位,但唔係一次就可以,
要慢慢,仲要配合自己平時嘅姿勢,
芙芙仲因而知道自己有長短腳(其實好多人都有),可能因為咁,
所以行路有神經痛嘅腳會有拉扯不適,呢個係芙芙推理出嚟嘅。

唔知大家有冇識人都有坐骨神經痛呢......?



簡易涼拌苦瓜 食譜

材料:苦瓜1條
汁料:蒜蓉辣椒醬1-2湯匙、豉油1湯匙、麻油、糖少許

1. 苦瓜去籽去膜,切薄片。
2. 苦瓜片加少許鹽拌混,待一會以開水沖洗。
3. 將汁料與苦瓜片混合,放入雪櫃待涼即可食用。


其實睇呢個醫師,唔可以話完全非常之好,
因為有時做完手法後,唔係次次都會覺得好咗,
芙芙都係做咗1個月,見個醫師似乎已經唔太答到芙芙問題時,
先至決定暫停,睇下唔睇會唔會嚴重咗,
感恩嘅係芙芙已經暫停睇咗成個月,都冇嚴重到,
雖然有時都會好唔舒服,但做下舒展又會好啲架啦。

芙芙有時都會諗,而家先廿幾歲女,
就有呢啲痛症,老咗點算呢?

身邊有好多人都叫芙芙要襯後生睇好佢,但芙芙成日都諗,
「我夠想啦,都唔知睇咩先至會好」,
於是芙芙咩都試下,物理治療啦,
中醫手法+針炙啦,艾灸啦,
都試過,話時話艾灸個效果唔錯,
但太臭,唔可以成日喺屋企做,
所以做做下又冇做到,芙芙都好想治本治好佢呢。



12 則留言:

  1. 芙芙,睇到最後真係眼濕濕,雖然見你話有好轉,但都好擔心你。最衰小高唔識人專治坐骨神經痛,不過我會幫你留意下。
    希望你快d睇返好,睇中醫比較慢,但有一定的效用,並要持之以恆去睇,芙芙,加油!

    回覆刪除
    回覆
    1. 小高,唔駛擔心芙芙啦,
      芙芙而家好返好多架啦,多謝你關心呀,
      芙芙會繼續加油架啦!睇中醫真係好慢架,
      但係咁睇法啲錢好似倒水咁倒,呢個醫師唔係唔好,
      睇佢都有效,但效用唔係次次都好,
      有次試過做完手法仲更加唔舒服,之後再睇一次,
      同佢講返個情況,再做一次手法,
      就冇事啦,又好返好多lu。

      刪除
  2. 芙芙, 真係要好好保重呀, 唔知妳嘅情況做瑜伽可唔可以改善呢? 不如請教下專業人士啦, 希望妳早日康復!

    回覆刪除
    回覆
    1. celia,好耐冇見啦,
      多謝你關心呀,芙芙問過骨科醫生,
      因為坐骨神經痛唔可以再扯到,所以醫生叫我千祈唔好做瑜伽,
      可能係怕我會用錯力,然後會令神經痛惡化。

      刪除
  3. 芺芺,睇完,終於明白點解你近期咁多嘢諗。唔好灰心,一定會有康復的一日。cici 試吓幫你問吓留意有冇朋友識治坐骨神經痛的醫師。加油呀,好好保重,希望你早日康復

    回覆刪除
    回覆
    1. cici,係呀,
      芙芙之前真係諗好多嘢,又唔知睇啲咩先會好,
      而家情況好啲就冇諗咁多,心情都返返嚟,
      多謝你幫我留意呀cici,如果你知道有咩好醫師就推介我試下啦。

      刪除
  4. 芺芺,我奶奶係開足療店(有腳底按摩,推拿的),我問過奶奶,佢話如果坐骨神經痛可以嘗試做推拿,由pat pat同大腿內側推,就可以改善及舒緩痛楚的,如有興趣試試,我再給資料妳吧,祝妳早日康復 ^^

    回覆刪除
    回覆
    1. 袁太,多謝你幫我問你奶奶呀,
      我之前都有諗過做推拿,我有興趣呀,
      你俾資料我呀,真係謝謝你呀!

      刪除
    2. 我奶奶的店在西環 , 對妳來說會唔會太遠 , 我email : cy_elainewong@yahoo.com,hk , 如有興趣 , 妳可否send email給我 , 我再send詳細資料給妳 ^^

      刪除
    3. 好呀,謝謝你呀袁太,
      西環真係有啲遠,如果我會去的話,
      再send email俾你呀,謝謝呀!

      刪除
  5. 我廿幾歲就开始痛。痛吓又好吓。到三十幾四十就好差了。
    結果做了椎間盤手術
    保重

    回覆刪除
    回覆
    1. Lotaitai,多謝你關心呀,
      芙芙其實都仲好擔心自己情況,希望可以睇好佢,
      但真係唔知睇咩先好,唯有多注意自己嘅坐姿同平時姿勢,
      希望唔會惡化啦,你都保重呀!

      刪除