2012年12月8日星期六

好凍好凍食乜好 - 菜心臘腸飯 (附食譜)

呢幾日凍左好多,天文台日日都整蠱人,
話會凍的日子就暖左,13度就變18度,
我仲著左件大褸,真係有d無奈呢。

雖然係咁,話哂都冬天啦,
天氣應該會再凍d,咁凍食乜好呢?
梗係食臘味啦!好味之餘食完仲暖粒粒tim!



菜心臘腸飯 (隔夜飯版) 食譜

材料: 臘腸、菜心、冷飯

1. 將菜心及臘腸切粒,備用。
2. 燒熱油後,將臘腸粒倒入炒。
3. 再加入菜心粒炒熟,然後加入冷飯。
4. 將飯炒至乾身,加豉油調味即可。


炒飯材料可自選,加臘肉又得,
加多隻蛋更香,呢個飯我會越食越想食,
食完又暖身,冬天菜式之選!


如果整糯米飯仲正呀,不過我level未夠高,
唔識點整,所以整住炒飯先啦!



沒有留言:

發佈留言