[自家製]印度芝士 (附食譜)

芙芙見到大家嘅留言，真係好開心自己寫返blog，
其實芙芙都好想念大家，但冇煮嘢食嘅時間，
就覺得唔好update住，總係覺得呢個芙芙little kitchen係要share生活同食譜，
所以就一直都唔寫住，直到而家。

要大家擔心同掛心，真係唔好意思呢，
芙芙好開心大家咁關心我嘅身體狀況，真的好感動呢。

印度芝士 自家製食譜

材料: 牛奶2公升、檸檬汁約2個

1. 牛奶慢火煮沸後關火，加入一半份量檸檬汁。

2. 慢慢攬拌至呈豆花狀，再遂少加入剩餘的檸檬汁。

3. 再攪拌至有青黃色的水(威水)及奶糊出現，盛起放入棉袋中。

4. 把威水隔出，再擠出奶糊的水份。

5. 用重物件壓著棉袋，直至成形即可(大概雪一晚)。

我哋係用蒙牛牛奶，唔同牌子牛奶整出嚟奶味都唔同。

呢個就係步驟3嘅情形，見到啲奶變成塊同出現黃色嘅威水。

這個自家素食芝士可以切粒炸來吃，亦可烹調出不同菜式，

如咖哩、炒飯、沙津、涼拌等。

以上是由之前學素食班的地方學的，話說一天朋友到推廣素食的生命之糧做義工，

後來參與了一次講座，拿到了這份印度芝士食譜，

心思思想要自製一番，一take過成功啦!

至於那青黃色的威水，不要倒掉，
可以用來製作番茄醬，食譜要待下個post再公開啦!