2014年7月25日星期五

[自家製]印度芝士 (附食譜)

芙芙見到大家嘅留言,真係好開心自己寫返blog,
其實芙芙都好想念大家,但冇煮嘢食嘅時間,
就覺得唔好update住,總係覺得呢個芙芙little kitchen係要share生活同食譜,
所以就一直都唔寫住,直到而家。

要大家擔心同掛心,真係唔好意思呢,
芙芙好開心大家咁關心我嘅身體狀況,真的好感動呢。



印度芝士 自家製食譜

材料: 牛奶2公升、檸檬汁約2個

1. 牛奶慢火煮沸後關火,加入一半份量檸檬汁。
2. 慢慢攬拌至呈豆花狀,再遂少加入剩餘的檸檬汁。
3. 再攪拌至有青黃色的水(威水)及奶糊出現,盛起放入棉袋中。
4. 把威水隔出,再擠出奶糊的水份。
5. 用重物件壓著棉袋,直至成形即可(大概雪一晚)。


我哋係用蒙牛牛奶,唔同牌子牛奶整出嚟奶味都唔同。


呢個就係步驟3嘅情形,見到啲奶變成塊同出現黃色嘅威水。


這個自家素食芝士可以切粒炸來吃,亦可烹調出不同菜式,
如咖哩、炒飯、沙津、涼拌等。

以上是由之前學素食班的地方學的,話說一天朋友到推廣素食的生命之糧做義工,
後來參與了一次講座,拿到了這份印度芝士食譜,
心思思想要自製一番,一take過成功啦!


至於那青黃色的威水,不要倒掉,
可以用來製作番茄醬,食譜要待下個post再公開啦!

8 則留言:

  1. 芺芺, 很高興又再見到你的UPDATED. 小心身體啊
    呢個印度芝士可以放幾耐架?

    回覆刪除
    回覆
    1. 李師奶,芙芙都好開心見返大家呀,
      多謝你關心呢!呢個芝士唔可以放太耐,
      始終材料好天然,芙芙同朋友整完,
      通常兩三日內會食哂,同埋唔會一次整好多。

      刪除
  2. 多謝分享,芺芺, 我以為你唔寫blog啦。。
    要保重身體啊!

    回覆刪除
    回覆
    1. Li J,要你擔心實在太抱歉啦!
      芙芙都唔係打算唔寫,係之前心情mama地,
      坐骨神經痛好困擾住我,所以先冇寫,
      而家情況好好多啦,心情都返返嚟啦~

      刪除
  3. 想問這個印度cheese可以放幾耐?

    回覆刪除
    回覆
    1. cici,呢個cheese始終係天然材料,
      所以放唔得太耐ga,芙芙同朋友整完,
      通常兩三日內會食哂,而且每次都唔會整太多呢。

      刪除