2014年8月28日 星期四

[I Love Travel] 日本2014 ~ 立山黑部5天4夜之旅 (Day2)

 Day 2
上高地~遠足行

第二朝一早起身,6:30要出發,
所以6:00就要食早餐,芙芙同大姊唔放過浸溫泉嘅機會,
一早5點幾已經起身浸溫泉啦,睇下出面嘅景色幾靚。


睇下個山仲有雪架,可想而知我哋距離雪山唔遠。



食飽飽早餐,又要係咁搭車啦,
呢個團係好多搭車時間,但每到一站都係非常之靚,
可以話搭咁耐都抵呀,一見到景色咩都唔記得啦。

到達上高地,大家齊齊遠足行。
睇下大和嘅人幾寫意,喺度對住雪山寫生,
芙芙真係好羨慕,呢種生活好舒適。




睇下佢哋畫啲咩,在水中央嘅小船呀。


再行入啲,就見到一個大石灘。




真係俾群山圍繞,感覺好正呀!



上高地簡介,不過唔識睇日文。



睇下啲河水幾清澈,芙媽同芙芙都係咁話,
好想裝啖嚟飲,應該好冰涼。



一邊行一邊望住啲雪山,好似三角朱古力。


芙芙好喜歡呢兩張相,條河有三種顏色,
親眼望到時,真係眼前一亮,
不禁讚嘆造物主嘅大能,何其偉大!


芙芙同家人沿路仲坐下抖下,見到啲日本人食便當,
其實芙芙都開始肚餓,都好想一試郊外食便當嘅感覺。



好快芙芙一家已經到達河童橋,河童就唔見,
人就有好多,成條橋企滿哂人,
想影張靚相都難,收住貨先啦。

行咗兩個幾鐘(印象中好似係),可以食飯啦。


炸豬排飯,好好味,
豬排好厚又juicy,好抵食呀。


芙爸話想試下呢條魚,感覺好似食沙甸魚,
唔知係咪真係沙甸呢?芙芙唔識分。


呢個炸雞排真係不得了,大家一人一件,
真係唔夠喉,因為實在好味。


芙芙好欣賞呢個雞排後面嘅沙津,好似係牛蒡,
食咁多炸嘢好油膩,沙津中和哂。


食飽lunch就起程返起點啦,跟住又係搭幾個鐘車到day2嘅溫泉酒店啦。
呢一晚食晚餐就唔駛急啦,不過溫泉唔係24小時,
所以都係要食快啲,再浸個夠。


呢個三文魚都不及下圖嘅魷魚,唔係唔好味唔新鮮,
而係啲魷魚太甜太有鮮味啦,芙芙勁食呀! 



呢晚晚餐唔係太多嘢食揀,食個烏冬頂頂肚。


接住就係day3,即係呢個旅程嘅重點,
雪山,立山黑部。


8 則留言:

  1. 回覆
    1. Li J,親身睇到仲靚呀!
      芙芙簡直覺得好似去咗世外桃源咁,似畫多過現實呢。

      刪除
  2. 嘩)))))個景靚到不得了~~真係好似幅晝咁樣

    回覆刪除
    回覆
    1. 殷師奶,真係超靚呀!
      如果唔怕搭車辛苦,呢度真係好值得一去架。

      刪除
  3. 個景可以靚成咁....我眼定定睇咗張相好耐

    回覆刪除
    回覆
    1. cici,本來芙芙想放大張相嚟post,
      但諗諗下,又怕大家睇時load得慢,
      放大睇仲更加靚呀!芙芙真係好喜歡呢個景呢。

      刪除
  4. 天色很美,實在太美了!忍不住看完又看。

    回覆刪除
    回覆
    1. 小高,當地真係超級之靚,
      你喜歡就download落嚟做wallpaper啦,日日都可以望住~ :D

      刪除