2014年8月21日星期四

香濃磨菇湯 (附食譜)

呢幾日炒得最熱就係房東大麻,大家有冇留意呢單新閒呢?
好多人都討論究竟大麻係唔係毒品,不過芙芙就咁睇,
就算點都好,去每個國家,
都要尊重每個國家嘅法律,人哋唔俾食一定有原因。



香濃磨菇湯 食譜

材料:磨菇8隻、西芹1條、洋蔥半個、牛油1/4盒、
麵粉1.5湯匙、屋形牛奶1盒、水4碗、

1. 磨菇洗淨切片,西芹及洋蔥洗淨切粒備用。
2. 燒熱油,將做法1的材料倒入炒至半熟盛起。
3. 牛油燒溶,將麵粉倒入煮成糊狀。
4. 倒入牛奶、水及做法2之食材,待煮滾。
5. 煮至合適濃度,加鹽調味。
6. 加上鮮忌廉,即可享用。


芙芙好喜歡食磨菇,所以磨菇份量都唔少。


加入西芹粒增添口感,亦令湯冇咁膩。


牛油面糊,係整濃湯嘅好幫手。 


呢個份量煮出嘅湯都有3-4碗,因為係濃湯,
唔駛飲太多都夠,大家想整多啲就自行增加份量啦。


芙芙睇到新聞,見好多明星都支持柯震東,
講好多支持說話,同埋叫人唔好落井下石,
咁真係證明到柯人緣好嘅事實,但錯就係錯。

反而芙芙好認同柯嘅經理人同父母,佢哋話探望時,
並冇講啲咩「件事會過去」之類嘅說話,原因係想柯會牢牢記住教訓。

明星對社會有貢獻,並唔係一個理由俾佢哋犯法,
佢哋對社會嘅貢獻就見人見智,芙芙認為人係有自己選擇,
你要選擇走上明星路,做眾所周知嘅演藝人,
就要負起責任,即係佢哋收嘅人工係包埋社會責任呢樣嘢,
好似我哋一般打工仔咁,份人工係包埋俾老闆點嚟點去嘅道理一樣。


8 則留言:

  1. 好多西人响屋企種大麻架

    回覆刪除
    回覆
    1. Li J,有啲外國國家都已經將大麻合法,
      芙芙認識一啲住外國嘅朋友,大麻對佢哋嚟講好普通,
      好似吸煙咁,不過每個國家都有唔同文化同顧慮,
      如果想食,咪留返去合法嘅國家先食囉,
      芙芙睇完單新聞講得最多嘅一句係,真係蠢呀喺中國吸!

      刪除
  2. 芺芺講得啱,每個國家的法例都唔同,應該要專重。

    回覆刪除
  3. 磨茹湯好足料啊, 我想試整好耐啦!

    回覆刪除
    回覆
    1. mickey,你好呀,
      芙芙都係第一次整呢個湯,原來好簡單ga ja,
      而且一開頭加水時好似好稀,但一陣就會變得好濃,
      所以煮時要留意呀,希望你喜歡啦。

      刪除
  4. 芙芙,香濃磨菇湯好正呀!仲要好多料 good呀 ~

    回覆刪除
    回覆
    1. 小高,呢個湯真係好足料架,
      仲要有d西芹粒好好咬口,芙芙都好喜歡飲呢~

      刪除