2013年3月28日 星期四

蒜烤雞中翼 (附食譜)

早前同大家介紹過如何整脆香雞塊,無睇過或唔記得可以睇返以下條link:

經過上次經驗,今次試下整脆香雞翼,
又因為自己白痴,打算試下唔用蛋汁/牛油,
試下就咁痴唔痴得住d粟米片,實驗結果大家睇下下圖就知啦!

只係痴到dddddd咁多jei,所以就變左普通雞翼,
但因為都痴到少少,所以食落口都有d脆脆地!



蒜烤雞中翼  食譜

材料: 雞中翼6隻,粟米片少許,蒜蓉適量
醃料: 鹽、豉油、糖、胡椒粉、雞粉、生粉、油 (因口味而定份量)

1. 將雞中翼拆骨,以醃料醃2小時備用。
2. 將蒜蓉醬加入雞中翼內部,粟米片壓碎備用。
3. 粟米片放入保鮮袋中,把雞中翼放入沾滿脆片。
4. 焗爐預熱200度,將雞中翼放入烤約15-20分鐘至金黃色即可。


拆骨秘技:

1. 先將雞中翼的兩條骨中間軟骨切斷/剪斷,建議切軟骨細d呢邊。
2. 用尖刀仔將痴住雞骨的肉切離舊骨,兩條骨都要。
3. 完成以上步驟後,用力將雞肉向上一推。
4. 成舊雞翼會好似除衫咁調轉左,跟住就可以用刀仔切離頂部舊大軟骨就完成。


建議大家拆骨時要大力d,因為雞翼皮有油份,
唔夠大力會滑住左,如果夠力一推就得ga啦!

因為我無用汁液痴住雞翼,一邊焗d脆片一路跌落黎,
所以大家見到完成圖係無咩脆片痴住ga,得少少囉。

因為今次加左蒜蓉醬入雞翼裡面,沾脆片時有d跌左出黎痴住左脆片,
為左唔好浪費左d粟米片,的將d跌左落黎的粟米片變成左一道小食,
有d蒜香又咸咸地都唔錯,拎黎送酒應該仲正!

沒有留言:

張貼留言