2019年1月3日星期四

<二人大餐配菜系列> 滋味焗薯 (附食譜)

記得少年時,大家姐同我都好喜歡食快餐店嘅鐵板餐,
最喜歡係食焗薯配菜,真係好滋味,
雖然已係好多年前嘅事,但而家回想起都好回味,
而家嘅鐵板餐已經唔會再見到焗薯嘅蹤影啦,唯有自己焗啦。

自從親愛的焗爐進駐我們家後,芙芙就可以隨時隨地自製焗薯,
今天跟大家分享點樣簡易地焗薯,材料好簡單咋。


簡易焗薯 食譜

材料: 烤焗薯仔4隻、熟西蘭花半碗、mozzarella cheese 2片、車打芝士碎適量
牛奶適量、鹽及黑椒適量、乾煙肉適量

1. 薯仔洗淨後抹乾水份,放於焗盤上,再用叉於薯仔上拮幾下,再撒上橄欖油及鹽抹勻,
2. 預熱焗爐180度,將薯仔放入焗1小時。
3. 取出薯仔,切開中間(不用切到底),將薯仔肉挖出一半,放於大碗中。
4. 倒入適量牛奶與薯仔肉混合成薯蓉,加入mozzarella cheese、西蘭花、鹽及黑椒拌勻。
5. 將混合薯蓉釀入薯皮中,再用車打芝士鋪面。
6. 放入焗爐以190度烤25分鐘,吃前撒上乾煙肉即可。

↓ Follow and like ↓


牛奶一定要逐少加,將薯蓉調整成自己想要嘅質感。


薯仔烤熟後再掏出薯肉,然後壓成蓉,
加啲調味同蔬菜,芙芙今次淨係加咗西蘭花,
如果加彩椒,色彩會更加繽紛。



家中剛巧冇哂芝士碎,用住車打芝士片頂住先,4隻薯仔用咗2片。


芝士片始終不及芝士碎,下次要檢查清楚雪櫃先得。


最後撤上自家製嘅煙肉乾,好好味呀。


沒有留言:

發佈留言