2018年6月23日星期六

<美的智能高速鍋> 煮出西餐好滋味 – 肉醬意粉 (附食譜)





話說芙芙一家搬了新屋,有幾位非常Close的朋友都住在同一個屋苑內,
大家都係烹飪愛好者,芙芙好喜歡煮中餐,
朋友仔們就喜歡煮西餐,有時芙芙都好想向佢哋偷下師。

由細都大芙芙都好喜歡食肉醬意粉,以前試過自己煮,
但煮出嚟都比較水,亦唔夠濃郁,
今次芙芙打算用美的智能高速鍋,一破以往煮肉醬嘅宿命!



肉醬意粉 食譜

材料: 免治牛肉600g、蕃茄3個、洋蔥1個、甘筍1條、西芹2條、蒜頭1個、桂葉2片、
紅酒1(175ml細支裝)、茄膏1(170ml)、百里香適量、牛油適量、意粉1

調味:鹽3茶匙、糖3茶匙、雞粉3


1. 蕃茄、洋蔥、甘筍去皮後切碎,西芹及蒜頭切碎備用。

2. 燒熱油,放入免治牛肉炒至剛熟盛起,
放置一旁瀝走多餘油份,將鑊中剩下的牛肉汁盛起備用。

3. 熱鑊加牛油,炒香蒜頭及洋蔥,再先後倒入西芹、甘筍炒至軟身。
4. 加入免治牛肉與蔬菜炒勻,倒入紅酒炒至汁料快收乾時,
倒入鮮茄碎炒勻,最後加入茄膏炒一會後關火。
5. 將所有食材及2.的牛肉汁倒入美的智能高速鍋中,並放入百里香及桂葉。
6. 選取菜單「牛/羊肉」,再選取烹調模式「炆/焗」。
7. 完成烹調後取出桂葉,加入調味料拌勻即可試味。
8. 於滾水中加油及鹽,放入意粉煮約8分鐘盛起。
9. 將肉醬倒於意粉上,拌勻後即可享用。

歡迎大家來到Facebook like下芙芙little kitchen


要預備咁多嘅蔬菜粒,芙芙用咗最懶嘅方法,
用機打碎佢,真係好方便。 

由於唔想煮出嘅肉醬太多油,所以芙芙將牛肉炒完盛起,
再瀝走多餘油份。


煮牛肉時出嘅肉汁唔好倒呀,係精華嚟架。


炒蔬菜順序: 
蒜頭>>洋蔥>西芹+甘筍



倒入紅酒炒到汁料快收乾時,就可以倒入鮮茄碎。


茄膏一定要經歷炒嘅步驟,否則會有草青味。

 

放入鍋時仲有好多水份。


因為放了很多蔬菜,芙芙其實仲係好怕會出水,

所以很緊張高速鍋內的情況,結果是大!成!功!



經過40分鐘的炆焗,一打開鍋蓋就看到濃濃的肉醬,
並沒有出水情況,可能因為美的智能高速鍋有保溫收汁的功能,
在烹調最後的2分鐘,會加力把汁料收乾,
加上它的高壓技術,保留肉類的水份。


芙芙一直覺得電器「平嘢冇好」,今次真係令芙芙徹底改觀,
原來平嘢都可以有寶物,,呢個高速鍋性價比真係好高!
一定要用嚟煮多啲菜式,令性價比再高啲。

而且在唔駛睇火嘅40分鐘裡面,芙芙可以在廳跟老公同小菜苗開心玩樂,
唔駛心掛掛廚房的嘅情況,再講多幾次都要講,
呢個高速鍋真係媽媽恩物呀!

1 則留言: