<親子共食食譜> 肉碎玉子豆腐

最近小菜苗好揀食，肉又唔食，

綠色菜又唔食，咁點呢？真係令人好困擾呀，

婆婆前排就教我煮咗呢道肉碎玉子豆腐，

其實細個時，媽媽成日都煮呢道菜俾我哋三姊妹食，

而家到我煮俾阿女食，估唔到小菜苗又好受落喎，終於有樣嘢肯食多啲，

今次加埋絹豆腐一齊煮，令道菜更加有營養。

肉碎玉子豆腐 食譜

材料：豬絞肉135g、玉子豆腐2條、絹豆腐1磚、蒜蓉1湯匙、蠔油1.5湯匙、水小半碗

醃料：生抽1湯匙、糖0.5茶匙、胡椒粉適量、生粉適量、油1湯匙

<氣炸鍋料理食譜> 蒜蜜炸排骨

屋企有咗小朋友，煮嘢都唔敢太熱氣，
有時煎炒炸都少咗，皆因佢哋一熱氣就好易喉嚨發炎，
一發炎就發燒，諗起都驚呀。

之但係間中都要照顧下大人嘅慾望嘅，前排忍唔住又開返氣炸鍋用，
唔覺意整咗個蒜蜜烤排骨，甜甜哋又香口，
估唔到又幾好送飯喎，諗諗下用埋嚟送酒都幾夾。

蒜蜜炸排骨 食譜

材料：排骨270g、蜜糖1湯匙、芝麻適量

醃料：蒜蓉4湯匙、蠔油1湯匙、生抽1.5湯匙、鹽0.5茶匙、

糖1茶匙、胡椒粉適量、生粉適量、油2湯匙

<高速鍋發酵> 花朵造型饅頭 (附食譜)

小菜苗係一個好錫媽媽嘅乖女，每次我整饅頭，

無論整成點佢都好賞面咁食完一個又一個，

有時就因為發酵溫度控制得唔好，搞到過分發酵而失敗，

今日我突然醒起，家中嘅高速鍋有手動調節溫度嘅功能，

最細嘅溫度岩岩好係30度，岩哂用嚟發酵麵團。

而今次我終於成功咁整到個比較靚仔嘅饅頭，

用咗好多心機去完成呢幾個造型饅頭氹下小菜苗開心，

同大家分享一下其中一個造型嘅製作方法。

花朵造型饅頭 食譜

材料: 中筋麵粉200g、水90ml、糖20g、酵母2g、油5g、蒸熟南瓜少許

<簡易午餐> 豬扒三文治 (附食譜)

最近一星期有三日都要在家工作，忙嘅時候連午餐都會遲咗煮，

通常雞手鴨腳咁煮完菜苗嘅午餐後，我先會再解決自己食咩，

早幾日收到健康農場嘅冰鮮肉，望住塊半肥瘦梅頭肉，

真係口水都流埋，成個腦都係豬扒包，

一於整個簡易豬扒三文治慰勞下自己先。

豬排三文治 食譜

材料：梅頭豬扒1件、方包3塊、椰菜1/6個、蕃茄1個、沙津醬適量

醃料：生抽2湯匙、糖1茶匙、麻油0.5湯匙、生粉1茶匙

<親子健康早餐 x 美的多功能全自動高速鍋> 自家製乳酪

前排因為小菜苗唔舒服感冒，為免飲奶惹痰，

嗰幾晚我哋都冇俾睡前奶菜苗飲，佢都好乖冇扭計，

仲明白自己有咳，所以唔可以食甜嘢凍嘢，

就因為咁，不知不覺間就戒咗奶，

到而家已經成兩星期冇飲奶啦。

為咗增加鈣嘅吸收，最近我都開始預備多啲奶類製品俾菜苗食，

而小菜苗一向十分鍾意食乳酪，不過最近少咗出去屋企存貨量少，

今日只係剩返一小盒，聽日又冇得食啦。

於是我決定用美的嘅高速鍋自製乳酪，自家製有好多好處，
就係甜味可以自己控制，而且材料相當簡單，倒哂入鍋中等8個鐘，

就可以製造到好多好多，慳返唔少錢呀。

自家製乳酪 食譜

材料：全脂牛奶1L、原味乳酪100g、煉奶80g

<三步驟快煮食譜> 彩椒虎蝦仁

最近屋企一定有幾包雪藏蝦仁喺度，有時用嚟炒下蛋，

煮下意粉都唔錯，不過食嚟食去都係呢兩味，

今次試下用三色椒炒，加啲檸檬汁做調味，

少少酸味道好清新，作為小朋友菜式都合適架。

彩椒虎蝦仁 食譜

材料：虎蝦仁200g、三色椒各半個、洋蔥半個

調味：檸檬汁半個、糖1茶匙、鹽及黑椒適量、意大利雜錦香草2湯匙

<無火煎炸> 避風塘杏鮑菇 x 美的全自動智能高速鍋

間唔中都會想食一啲炸嘢，但一諗起炸嘢時啲油彈來彈去，

煮完又要抹左抹右，呢個念頭就會瞬間即破，

早兩日醒起美的送來嘅全自動智能高速鍋有煎炸功能，

心思思試下用佢嚟炸嘢先，點知又幾work喎！

避風塘杏鮑菇

材料：小杏鮑菇4條、地瓜粉2.5湯匙、鹽及胡椒粉適量、

蒜頭半個(切蓉)、辣椒2條(去籽切絲)、乾蔥一個(切絲）

<三步驟快煮食譜> 惹味椒鹽蝦

近來蝦蟹癮發作，每日都好想食，

昨天生日爸爸煮咗蟹，今日就到自己煮蝦食，

來個快手煮蝦，椒鹽夠惹味，

今次用了街市買的急凍蝦，反正椒鹽煮也不太吃得出鮮甜，

就不買游水蝦了，急凍的價錢也便宜點呢。

椒鹽蝦 食譜

材料：蝦1斤、指天椒1條、蔥4條、蒜頭6粒、椒鹽適量